Atyraý mektepterinde 600-den astam muǵalim jetispeıdi
Atyraý qalalyq bilim bólimi basshysynyń qarjy jáne ekonomıka jónindegi orynbasary Erlan Balmuhanovtyń aıtýynsha, orys synyptaryna dáris beretin 400 muǵalimniń jetispeýshiligi baıqalyp otyr.
«Qazaq synyptaryna matematıka páninen sabaq beretin 30, orys synyptaryna 45 muǵalim jetispeıdi. Al, tarıh páninen dáris júrgizetin 25 muǵalimniń tapshylyǵy bar. Bilim ordalarynda psıhologterdiń orny bos tur. Mektepterdegi kadr tapshylyǵynyń basty sebebi – jalaqynyń azdyǵy. Jumysqa ornalasý úshin kóptegen qıyndyqqa tap bolady. Muǵalim bolý úshin dıplommen birge tıisti portfolıo qajet. Komıssııa biliktilik sáıkestigin tekseredi. Sodan keıin test tapsyrýy kerek. Kóbisi sol synaqtan óte almaıdy. Eger muǵalimder testini oıdaǵydaı tapsyrǵan bolsa, onda muǵalimniń balalarmen jumys isteýine baılanysty jeke qasıeti tekseriledi», - deıdi Erlan Balmuhanov.
Eske sala ketelik, buǵan deıin Atyraýda keıbir mekteptiń jóndeý jumysy qyrkúıekke deıin aıaqtalmaıtynyn habarlaǵan bolatynbyz.
Atyraý qalasyndaǵy №19, 22, 27, 31 jáne 13-mektepte jóndeý jumystary shildede bastalǵan.
«Shartqa sáıkes jóndeý jumystarynyń merzimi 3,5 aıdan 6 aıǵa deıingi aralyqta júrgizilýi tıis. Máselen, №22, 31 jáne 13-mektepterdegi jumystardy 1 qyrkúıekke deıin aıaqtaýǵa múmkindik bar. Al, №19 jáne 27-mektepti jóndeý jumysynyń aýqymy úlken. Sol sebepten, bul bilim ordalarynyń oqýshylaryn ózge mektepterde ýaqytsha oqytý máselesi qaralyp jatyr», -dep habarlady Erlan Balmuhanov.
