Atyraý emhanalary josparly qabyldaýdy qaıta jalǵastyrady
Oblystyq densaýlyq saqtaý basqarmasynyń basshysy Ashan Baıdýálıevtyń aıtýynsha, buǵan sońǵy on kúnde koronavırýs ınfektsııasyn juqtyrýshylar sanynyń azaıýy sebep bolǵan.
«Óńirde epıdemıologııalyq ahýaldyń turaqsyzdyǵy men koronavırýs ınfektsııasyn juqtyrǵan naýqastar sanynyń ósýine baılanysty 16 tamyzda barlyq emhanany onlaın jumys formatyna kóshirý týraly sheshim qabyldanǵan edi. Dárigerler qosymsha egý pýnkterine, jyljymaly mobıldi brıgadalarǵa, sondaı-aq, «qyzyl» aımaqtarǵa jumyldyryldy. Emhanalardyń kóptegen qyzmetkeri qyzmettik mindetin atqarý kezinde qaýipti vırýspen aýyrdy. Sońǵy on kúnde koronavırýs ınfektsııasyn juqtyrǵandar sany edeýir azaıdy. Soǵan baılanysty 1 qyrkúıekten bastap oblystaǵy barlyq emhana burynǵy formatta jumys istep, josparly qabyldaýdy qaıta jalǵastyrady», - deıdi Ashan Baıdýálıev.
Eske sala ketelik, budan buryn Atyraý oblysynyń emhanalary josparly qabyldaýdy ýaqytsha toqtatqanyn jazǵan bolatynbyz.
