Atyraýlyq túlek UBT-dan 140 upaı jınady

ATYRAÝ.KAZINFORM - Atyraý oblystyq daryndy balalarǵa arnalǵan ulttyq gımnazııanyń 11 synyp oqýshysy Jazıra Keńesova naýryzdaǵy ulttyq biryńǵaı testileýde kelgen barlyq suraqqa durys jaýap berip, eń joǵary ball jınaǵan.

Ol testileýge mektep baǵdarlamasynan bólek arnaıy kýrs arqyly daıyndalǵan. Gımnazııadaǵy belsendi oqýshylardyń biri Jazıra Keńesova «Parasat» debat klýbynyń prezıdenti.

- Qańtar UBT-da 138 ball, Naýryz UBT-da 140 ball jınady. Qazaq tili jáne ádebıetine degen qyzyǵýshylyǵynyń arqasynda sol kombınatsııany tańdap, bolashaqta qazaq tili jáne ádebıetiniń mamany, fılolog bolǵysy keledi,-dep pikir bildirdi oqý ordasynyń basshylyǵy.

Osyǵan deıin semeılik oqýshy Erasyl Saılaýovtyń Naýryz UBT-dan 140 ball alǵanyn jazǵan edik.