Atyraýlyq 700 oqýshy Túrkistandaǵy lagerde bes kezeńmen tegin demalady
ATYRAÝ. KAZINFORM – Atyraý oblysynan 700 oqýshy Túrkistandaǵy lagerde bes kezeńmen tegin demalady.
Atyraý oblystyq bilim basqarmasy basshysynyń mindetin atqarýshy Sveta Amanshıeva men Túrkistan óńirindegi «Delve camp» balalar demalys lageriniń ókili Shoqan Qaıyrǵalıulynyń kezdesýinde osyndaı uıǵarym jasalǵan.
«Túrkistan oblysyndaǵy lager basshylyǵy Atyraý oblysynan 10-14 jas aralyǵyndaǵy 700 oqýshynyń 5 kezeńmen tegin demalýyna múmkindik jasap otyr. Bul lagerge az qamtylǵan, kópbalaly otbasylardan jáne oqýda úzdik nátıje kórsetip, mektep ómirine belsene aralasqan oqýshylar barady. Oqýshylardyń alǵashqy toby 28 mamyrda demalýǵa attanady», - dep habarlady basqarmanyń baspasóz hatshysy Elmıra Tuńǵatarova.
Lager ókili Shoqan Qaıyrǵalıulynyń aıtýynsha, jazǵy lagerde balalardyń tolyqqandy tynyǵyp, aǵylshyn tilin meńgerýine barlyq jaǵdaı jasalǵan. Eń bastysy, qaýipsizdik sharalary qatań baqylaýǵa alynǵan.
Eske sala ketelik, buǵan deıin Qulsarydan lagerge jiberilgen oqýshylardyń ata-anasyna bılet quny qaıtarylatynyn habarlaǵan bolatynbyz.
