Atyraýdyń mańynda aqqý men úırek, qarǵa ólip jatyr

ATYRAÝ. KAZINFORM – Atyraý qalasynyń mańynda aqqý men úırek, qarǵa ólip jatyr. Qanattylardyń neden ólgeni ázirge belgisiz bolyp otyr.

Bul týraly áleýmettik jelide vıdeo tarady. Vıdeoda munaıly shahardaǵy elevator mańyndaǵy aǵyndy sý quıylýy múmkin tusta qustardyń óleksesi túsirilgen.

«Ekologııalyq tótenshe oqıǵa ma? 20 shildede Atyraý qalasynyń aǵyndy sýlary men Atyraý munaı óńdeý zaýytynyń qaldyqtary aǵyzylatyn elevatordyń artyndaǵy «Týhlaıa balka» – qustar kóp bolatyn jer. Al mynaý ólip jatqan aqqý, úırek, qarǵanyń balapandary jalǵyz júzip júr... Ekologtardan «Ne boldy, ne bolyp jatyr?» dep suraıyn degenim... Olar jaýap bere me eken? Tanys ańshylar «Bul jerde qandaı da bir jergilikti drenaj nemese qoqys tastalǵan» dep esepteıdi», - dep habarlady vıdeo avtory Vıktor Sýtıagın.

Ázirge resmı organdar bul derekke baılanysty pikir bildirgen joq.

Eske sala ketelik, budan buryn Atyraýda Jaıyq ózeniniń jaǵalaýynan 160 tonna topyraq salynǵan qap jınalǵanyn habarlaǵan bolatynbyz.