Atyraýda júıke-júıesi buzylǵan naýqastardy eńbekpen emdeý terapııasy úshin kúrketaýyq ósiriledi
ATYRAÝ. KAZINFORM — Atyraý oblysynda júıkesi buzylǵan naýqastarǵa arnalǵan eńbek terapııasy úshin kúrketaýyq ósirý qolǵa alynady.
Mahambet aýdanyndaǵy № 1 arnaýly áleýmettik qyzmetter kórsetý ortalyǵynyń dırektory Gúlnár Zınedenovanyń málimetinshe, 1942 jyly ashylǵan psıhonevrologııalyq syrqatqa shaldyqqan 309 naýqas emdeledi. Onyń ishinde 152 er, 157 áıel adam bar. Emdelýshilerdiń 33-ine І top, 276-yna ІІ top múgedektigi berilgen.
«Kúrketaýyq psıhonevrologııalyq aýytqýy bar azamattardy eńbekpen emdeý terapııasy úshin qosalqy sharýashylyqta ósiriledi. Byltyr qosalqy sharýashylyqta eshki, taýyq jáne qoıan ósirý úshin qorajaı salyndy. Qazir qosalqy sharýashylyqta 10 eshki, 3 laq, 33 qoıan, 9 taýyq ósiriledi», — deıdi Gúlnár Zınedenova.
Onyń aıtýynsha, ortalyqta pandýs, zaǵıp jandar úshin taktıldi jolaq, aqparattyq mnemoshema, Braıl qarpimen jazylǵan taqtaıshalar ornatylǵan.
«Ortalyqta qaýipsizdik maqsatynda 93 beınebaqylaý kamerasy jumys istep tur. Onyń 45-i syrtqy aýlaǵa, 48-i bólimshelerge ornatyldy. Beınebaqylaý kamerasyna talshyqty jeli ornatylyp, polıtsııa qyzmetine qosyldy», — dep málim etti Gúlnár Zınedenova.
Eske sala ketelik, buǵan deıin Atyraýda jekemenshik balabaqshanyń qyzmetkeri balany basynan urǵanyn jazǵan bolatynbyz.
