Atyraýda birge turatyn áıel men erkektiń arasyndaǵy janjal kisi ólimimen aıaqtaldy
ATYRAÝ. KAZINFORM – Atyraýda turmystyq janjal barysynda áıel ózimen birge turatyn erkekke aýyr jaraqat salyp, ol mert boldy, dep habarlaıdy Atyrau Oil.
Aldyn ala málimetter boıynsha, birge turatyn erkek men áıel arasynda janjal týyndap, onyń barysynda áıel er adamǵa pyshaq salǵan. Alǵan jaraqatynyń saldarynan er adam jedel járdem kelgenshe kóz jumdy.
Kúdikti áıel ustalyp, ızolıatorǵa qamaldy. QR QK-niń 99 baby «kisi óltirý» boıynsha sotqa deıingi tergeý júrip jatyr.
Atyraý oblystyq polıtsııa departamenti atalǵan derek boıynsha qylmystyq is tirkelip, keshendi tergeý amaldary júrgizilip jatqanyn habarlady.
Ózge aqparat tergeý múddesine sáıkes jarııalaýǵa jatpaıdy.
Osyǵan deıin Atyraýda 10 mıllıon teńge bopsalaǵan jýrnalıst ustalǵany týraly jazdyq.