Atyraýda Jylyoı aýdany ákimi atynan jalǵan akkaýnt ashylǵan
ATYRAÝ. KAZINFORM — Atyraý oblysyndaǵy Jylyoı aýdanynyń ákimi atynan jalǵan akkaýnt ashylǵan. Akkaýnt ıeleri turǵyndardan aqparat suraǵan.
Jylyoı aýdanynyń ákimi Jumabek Qarajanovtyń aıtýynsha, mundaı feık akkaýnt ıeleri alaıaqtyq áreketterge barýy ábden múmkin.
«Jylyoı aýdandaǵy qazirgi ahýalǵa baılanysty jekelegen adamdar áleýmettik jelide jáne messendjerlerde meniń aty-jónimdi paıdalanyp, jeke jáne zańdy tulǵalardan jazbasha mátinde aqparat suratqan, dıalog júrgizgen. Aýdan jurtshylyǵyn jáne azamattardy jalǵan málimetke, habarlamalarǵa senbeýge shaqyramyn», -dep habarlady Jumabek Qarajanov.
Eske sala ketelik, buǵan deıin Qulsaryda jańa turǵyn úılerdiń qabyrǵasy qalanyp jatqanyn jazǵan bolatynbyz.
Atyraý oblystyq qurylys basqarmasynyń bólim basshysy Darhan Tilepbergenniń málimetinshe, Qulsary qalasyndaǵy «Bolashaq» shaǵyn aýdanynda 100 turǵyn úı salý kózdelgen.
Qurylys jumysyna 100 qurylysshy maman, 50 tehnıka tartylǵan.
