Atyraýda jyl basynan beri esirtki qylmysyna qatysty 25 derek tirkelgen

ATYRAÝ. KAZINFORM — Atyraýda esirtkimen baılanysty qylmys azaımaı otyr. Jergilikti polıtseıler bıyl jyl basynan beri 25 derekti anyqtaǵan. 

Atyraý oblystyq polıtsııa departamentiniń baspasóz qyzmetinen málim etkendeı, esirtki qylmysyna qarsy kúres kúsheıtilgen.

«Esirtki qylmysyna qarsy kúres basqarmasynyń qyzmetkerleri jyl basynan beri 25 qylmysty anyqtady. Onyń ishinde asa iri mólsherdegi esirtki, psıhotropty zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý jáne tasymaldaýǵa baılanysty 8 derek bar. Al, 10 derek asa iri mólsherdegi esirtki, psıhotropty zattarǵa, sol tektesterge qatysty jasalǵan dál sondaı is-áreket qatysty bolyp otyr. Asa iri mólsherdegi esirtki, psıhotropty zattarmen, sol tektestermen ótkizý maqsatynsyz jumys isteýge qatysty 7 derek tirkeldi», -dep habarlady departamenttiń baspasóz qyzmeti.

Eske sala ketelik, budan buryn BQO men Aqmola oblysynyń turǵyny Atyraýda esirtkini tyǵyp satpaq bolǵanyn jazǵan edik.

Sondaı-aq, Atyraýda kórshi óńir turǵyndarynan esirtki men tapansha tárkilendi.