Atyraýda Jaıyq ózenindegi sý deńgeıi 4 saǵat saıyn ólshenedi

ATYRAÝ. KAZINFORM – Atyraýda Jaıyq ózenindegi sý deńgeıi 4 saǵat saıyn ólshenedi. Búgin sý deńgeıi 409 sm-ge jetti.

«Qazgıdromet» RMK Atyraý olystyq fılılalynyń ınjener-gıdrology Lıýdmıla Prıdanovanyń aıtýynsha, mamandar sýdyń kóterilý deńgeıin, aǵysyn, tereńdigin, jaıylý enin ólsheıdi. 

«Atyraý oblysynda tabıǵı sıpattaǵy tótenshe jaǵdaı jarııalanǵannan beri Jaıyq ózeniniń deńgeıin 4 saǵat saıyn ólsheýge kiristik. Túrli ólshem alynǵannan keıin sýdyń ortasha eseppen sekýndyna qansha tekshe metr kólemmen aǵatyny esepteledi. Baqylaýshylar qorytyndy esepti «Qazgıdromet» ortalyǵyna tapsyrady. Sodan soń gıdrogeologııalyq bıýlleten jasalady. Búgin, 21 sáýirde Atyraýda Jaıyq ózenindegi sýdyń deńgeıi 409 sm-ge jetti», -deıdi Lıýdmıla Prıdanova. 

Onyń aıtýyna qaraǵanda, Oraldan Atyraýdan jetkenshe, Jaıyq ózenindegi sý jaıylma men kanaldarǵa shyǵady. Osylaısha, sý aǵysy da, kólemi de azaıýy múmkin. 

Eske sala ketelik, buǵan deıin aýyr júk kranynyń operatory Jaıyq jaǵasyn bekitý úshin kúnine 12 saǵat jumys isteıtinin aıtqan edi.