Atyraýda Jaıyq ózenindegi muz ústinde túlki júr

ATYRAÝ. KAZINFORM — Atyraýda Jaıyq ózeninde qatqan muz ústinde túlki júr. Ony balyq aýlaýǵa shyqqaan balyqshylar vıdeoǵa túsirip alǵan.

Jergilikti áýesqoı balyqshy Rahım Qoılybaevtyń aıtýynsha, vıdeo keshe, 18 aqpanda Atyraý qalasyndaǵy «Avangard» shaǵyn aýdanynda túsirilgen.

Vıdeoda túlkiniń Jaıyq ózeniniń ústinde júrgeni kórinedi. Túlkiniń janynda qarǵalar úshyp júr. Dala ańynyń jemtik izdegeni baıqalady. 

«Atyraýda mundaı jaǵdaı birinshi ret emes. Máselen, 2021 jylǵy jeltoqsannyń sońynda túlki Atyraý qalasyndaǵy Azattyq kóshesimen bara jatty. Onyń da vıdeosy tarady. Keıin Erkinqala aýylyna 3-4 qaban kirip ketti. Al, jaqynda Damby aýylyna baratyn jolmen qasqyrdyń eldi mekenge qaraı bara jatqanyn kórdik. Qalaǵa, ne aýylǵa ashyqqan ań kelýi múmkin. Munyń basqalaı sebebi joq», - deıdi Rahım Qoılybaev. 

Eske sala ketelik, budan buryn Atyraýdaǵy aýyl mańynda qasqyr júrgenin habarlaǵan edik. 

Vıdeo avtory: Rahım Qoılybev