Atyraýda zeınetker júrgizýshige 483 myń teńge aıyppul salyndy

Atyraýda 16 qazannan beri jol erejelerin óreskel buzýǵa baılanysty 260 derek tirkeldi. Quqyq buzǵan júrgizýshiniń biri – 68 jastaǵy zeınetkerge 483 myń teńge aıyppul salyndy, dep habarlaıdy Kazinform.

Atyraý oblystyq polıtsııa departamentiniń baspasóz qyzmetinen málim etkendeı, 16 qazannan beri «Quqyqtyq tártip» jedel profılaktıkalyq is-sharasy ótkizilip jatyr.

– Іs-sharanyń maqsaty – qoǵamdyq tártipti saqtaý, quqyq buzýshylyq pen jol-kólik oqıǵalarynyń aldyn alý. Patrýldik polıtsııa batalonynyń qyzmetkerleri is-shara bastalǵannan beri jedel basqarý ortalyǵynyń beınebaqylaý júıesimen jol erejelerin óreskel buzǵan 260 ákimshilik quqyq buzýshylyqty anyqtady. Máselen, kóliktiń rýline alkogoldik mas kúıde otyrǵan 22 jastaǵy 7 jyl merzimge júrgizý quqyǵynan aıyryldy. Al, 1955 jyly týǵan zeınetker júrgizýshige 483 myń teńge kóleminde aıyppul salyndy, - dep habarlady departamenttiń baspasóz qyzmeti.

Sondaı-aq, 18 qazanda jedel basqarý ortalyǵynyń beınebaqylaý qyzmetkerleri Interceptor izdeý júıesi VAZ–2110 avtokóliginiń júrý baǵytyn anyqtady. Patrýldik polıtsııa qyzymetkerleri avtokólikti toqtatty. Tekserý kezinde 1983 jylǵy júrgizýshiniń 793 myń 500 teńgeni quraıtyn 36 aıyppuly bar ekeni anyqtaldy. Boryshker júrgizýshiniń avtokóligi arnaıy aıyp turaǵyna qoıyldy.

Eske sala ketelik, budan buryn Atyraýda 32 jastaǵy júrgizýshi 3 adamdy qaǵyp ketkenin habarlaǵan bolatynbyz.