Atyraýda zańsyz aınalymnan 7,8 tonna prekýrsor tárkilendi
ATYRAÝ. KAZINFORM – Atyraýda zańsyz aınalymnan 7,8 tonna prekýrsor, 751 psıhotroptyq dári tárkilendi.
Atyraý oblystyq polıtsııa departamentiniń baspasóz qyzmetinen málim etkendeı, «Dármek» is-sharasy kezinde kásipkerlik nysandary men dárihanalar tekserildi.
«Іs-sharanyń maqsaty – esirtki quraldarynyń, psıhotroptyq zattar men prekýrsorlardyń zańsyz aınalymyna tosqaýyl qoıý. Bes kúnde esirtki, psıhotroptyq zattar men prekýrsorlardyń zańdy aınalymyna qatysty erejelerin saqtamaǵan 10 ákimshilik quqyq buzýshylyq anyqtaldy. Quqyq buzýshylardan 7 tonna 840 keli prekýrsor men 751 dana esirtki, psıhotroptyq dárilik preparattar tárkilendi», - dep habarlady departamenttiń baspasóz qyzmeti.
Sondaı-aq QR Qylmystyq kodeksiniń 297-babynyń 3-bóligimen 3 qylmystyq is tirkelgen. Osyǵan baılanysty kúdiktiler ýaqytsha ustaý ızolıatoryna qamaýǵa alyndy. Kúdiktilerden 529 gramm sıntetıkalyq esirtki, turǵylyqty meken-jaıynan ruqsatsyz satýǵa tyıym salynǵan tropıkamıd preparaty tabylǵan.
Eske sala ketelik, buǵan deıin Atyraýda 37 jastaǵy er adamnan 8 mln teńgeniń sıntetıkalyq esirtkisi tárkilengenin habarlaǵan edik.
