Atyraýda ústine eskertkish qulaǵan 7 jasar qyz qaıtys boldy

ATYRAÝ. KAZINFORM – Atyraýda 7 jasar qyzdyń ústine eskertkish qulady. Jasóspirim aýrýhanada kóz jumdy.

Atyraý oblystyq Polıtsııa departamentiniń baspasóz qyzmetinen málim etkendeı, oqıǵa keshe, 26 maýsymda bolǵan.

«Túngi saǵat 00:40 shamasynda Atyraý qalasyndaǵy «Jeńis» saıabaǵy alańynda 2017 jylǵy jasóspirim qyzdyń ústine eskertkish qulaǵan. Jasóspirim alǵan dene jaraqatynyń saldarynan oblystyq balalar aýrýhanasynda qaıtys boldy», - dep habarlady departamenttiń baspasóz qyzmeti.

Qazir polıtsııa qyzmetkerleri atalǵan derekke qatysty tergeý amaldaryn júrgizýdi bastady. Sot-medıtsınalyq saraptama taǵaıyndaldy.

Ózge aqparat tergeý múddesine saı jarııalaýǵa jatpaıdy.