Atyraýda sáýir bastalǵaly Jaıyq ózeninen 30 ret synama alynǵan

ATYRAÝ. KAZINFORM – Atyraýda sáýir bastalǵaly Jaıyq ózeniniń sýynan 30 márte synama alynǵan. 

Atyraý qalalyq sanıtarııalyq-epıdemıologııalyq baqylaý basqarmasynyń bólim basshysy Qalamqas Amanjolovanyń aıtýynsha, ózen sýynan alynǵan synamalarǵa qaýipti ınfektsııalardy anyqtaý úshin taldaý jasalǵan.

«Sý tasqynyna baılanysty Jaıyq ózeniniń birneshe núktesinen synamalar alyndy. Synamalarǵa vırýsologııalyq, bakterıologııalyq, parazıtologııalyq, sanıtarııalyq-hımııalyq taldaý júrgizildi. Buǵan deıingi synamalardan sýdyń laılylyǵy, túsi pen dámine qatysty azdaǵan sáıkesssizdik anyqtaldy. Biraq, bul sáıkessizdiktiń adam densaýlyǵyna zııany joq», - deıdi Qalamqas Amanjolova.

Eske sala ketelik, buǵan deıin Atyraý oblysynyń BQO-men shekaradaǵy Baǵyrlaı kanalyna mol sý kelgenin habarlaǵan edik.