Atyraýda ruqsat almaı, zańsyz jumys istep júrgen 50 sheteldik ustaldy

ATYRAÝ. KAZINFORM – Atyraýda tıisti organnyń arnaıy ruqsatyn almaı, zańsyz jumys istep júrgen 50 sheteldik ustaldy.

Atyraý oblystyq Polıtsııa departamenti baspasóz qyzmetiniń málimetinshe, sheteldikter kóshi-qon qyzmeti men Ulttyq qaýipsizdik komıteti jergilikti departamenti qyzmetkerleriniń birlesken reıdi kezinde anyqtalyp otyr.

«Atyraý qalasynyń aýmaǵynda ornalasqan óndiristik nysandarǵa tekserý júrgizildi. Tekserý kezinde arnaıy ruqsaty bolmasa da zańsyz jumys istep júrgen shet elderdiń 50 azamaty anyqtaldy. Onyń ishnde Tájikstan Respýblıkasynyń 38, Ózbekstan Respýblıkasynyń 12 azamaty bar. Sheteldikterge qatysty QR Ákimshilik quqyq buzýshylyq týraly kodeksiniń 517-babynyń 5-tarmaǵymen (Sheteldiktiń nemese azamattyǵy joq adamnyń júzege asyratyn qyzmeti vızada kórsetilgen maqsattarǵa sáıkes bolmaýymen kóringen, QR-nyń halyqtyń kóshi-qony salasyndaǵy zańnamasyn buzýy nemese jergilikti atqarýshy organ óz betinshe jumysqa ornalasýǵa ruqsatty alý eńbek qyzmetin júzege asyrýy) ákimshilik hattamalar toltyryldy», - dep habarlady departamenttiń baspasóz qyzmeti.

Jınaqtalǵan is qujattary sotqa joldandy.

Eske sala ketelik, budan buryn Almatyda 4 myńǵa jýyq shetel azamaty kóshi-qon zańnamasyn buzǵany habarlanǵan bolatyn.