Atyraýda qulaǵan eskertkishtiń saldarynan 9 jasar balanyń qoly synǵan

ATYRAÝ. KAZINFORM – Atyraý qalasynda qulaǵan eskertkishtiń saldarynan 9 jasar balanyń qoly synǵany anyqtalyp otyr.

Atyraý oblystyq densaýlyq saqtaý basqarmasynyń baspasóz qyzmetinen málim etkendeı, «Jeńis» saıabaǵyndaǵy eskertkishtiń qulaýyna kún raıynyń kúrt ózgergeni áser etken. Keshe, 25 maýsymda keshki saǵat 21:40 shamasynda Atyraý qalasynda aýa-raıy kúrt ózgerip, qatty jel soqty. Nóser jaýdy. 

«Sonyń saldarynan «Jeńis» saıabaǵynda ornalasqan eskertkish qulap, saldarynan bir otbasynyń 2015 jáne 2017 jyly týǵan balalary Atyraý oblystyq balalar aýrýhanasyna tústi. Aýyr dene jaraqatyn alǵan 7 jasar qyz jansaqtaý bólimine jatqyzylǵan edi. Alaıda, ol jaraqatynyń aýyrlyǵyna baılanysty tıisti em-sharalar kórsetilgenimen, qaıtys boldy. Al, 2015 jyly týǵan jasóspirimniń qoly synǵan. Oǵan jaraqat tańý beketinde em kórsetilip, synyǵy bar qolyna gıps salyndy. Ambýlatorııalyq em qabyldaý úshin úıine jiberildi», -dep habarlady basqarmanyń baspasóz qyzmeti.

Eske sala ketelik, buǵan deıin Atyraýda ústine eskertkish qulaǵan 7 jasar jasóspirim aýrýhanada qaıtys bolǵan edi.