Atyraýda kásipkerden 2 mln teńge bopsalaǵan eki kúdikti qamaýǵa alyndy
ATYRAÝ. KAZINFORM – Atyraýda kásipkerden 2 mln teńge bopsalaý kúdigine ilingen eki adam ustaldy. Qamaýǵa alynǵandardyń biri – vıdeobloger.
Atyraý oblystyq polıtsııa departamentiniń baspasóz qyzmetinen málim etkendeı, qamaýǵa alynǵan kúdiktiler kásipkerden aqshany qorqytyp alǵan.
– Atyraýda kásipkerden 2 mln teńge bopsalaǵan 33 jastaǵy vıdeobloger men 39 jastaǵy turǵyny ustaldy. Kúdiktiler ýaqytsha ustaý ızolıatoryna qamaýǵa alyndy. Olar jeke kásipkerden 2 mln teńge qorqytyp alǵany úshin kúdikti dep tanyldy. Ustalǵandardy tintý sharalary kezinde polıtsııa qyzmetkerine kúsh qoldanǵan, -dep málim etti departamenttiń baspasóz qyzmeti.
Qazir kúdiktilerge qatysty qorqytyp alý jáne bılik ókiline kúsh kórsetý deregimen qylmystyq is qozǵaldy.
– Sotqa deıingi tergeý amaldary bastaldy. Ózge aqparat tergeý múddesine sáıkes jarııalaýǵa jatpaıdy, -dep habarlady departamenttiń baspasóz qyzmeti.
Eske sala ketelik, budan buryn Atyraý oblysynyń Muqyr aýylynda bir jigitti top bolyp urǵandar qamaýǵa alynǵanyn jazǵan bolatynbyz.