Atyraýda feldsherdi atyp ketti
ATYRAÝ. KAZINFORM – Bul aqparatty Atyraý oblysynyń polıtsııa departamenti rastady, dep habarlaıdy Kazinform tilshisi.
Atalǵan fakt boıynsha kúdiktiler ustalyp, qamaýǵa alyndy.
— «Adam óltirý» baby boıynsha qylmystyq is qozǵaldy, qazirgi ýaqytta tergeý amaldary júrgizilip jatyr. Ózge aqparat tergeý múddesine baılanysty jarııa etilmeıdi, — dep málimdedi polıtsııada.
Buǵan deıin Jambyl oblysynda jergilikti turǵyn janjal kezinde feldsherge oq atqan bolatyn. Polıtsııa bul oqıǵaǵa qatysty da qylmystyq is qozǵalǵanyn habarlaǵan edi.
Eske salsaq, sońǵy 5 jylda medıtsına qyzmetkerlerine qatysty shamamen 160 shabýyl tirkelgen. Onyń barysynda dárigerler ártúrli deńgeıdegi jaraqattar alǵan.
Sondaı-aq, buǵan deıin Densaýlyq saqtaý mınıstrligi men Іshki ister mınıstrligi Qazaqstanda medıtsına qyzmetkerlerin qorǵaý sharalaryn ázirleıtini habarlanǵan bolatyn.
Aıta ketelik Úkimet medıtsına qyzmetkerlerin qorǵaýdy kúsheıtý jónindegi sharalar keshenin daıyndaıtyny týraly jazǵan edik.