Atyraýda esirtki jasyryp júrgen 17 jasar qyzylordalyq ustaldy

ATYRAÝ. KAZINFORM – Atyraýda Qyzylorda oblysynan kelgen 17 jasar jasóspirimniń esirtki jasyryp júrgeni anyqtaldy.

Atyraý oblystyq polıtsııa departamenti baspasóz qyzmetiniń málimetine qaraǵanda, qyzylordalyq jasóspirim esirtki jasyrýmen aınalysqan. 

– Esirtki qylmysyna qarsy kúres basqarmasynyń qyzmetkerleri Qyzylorda oblysynyń 17 jasar turǵynyn esirtkini zańsyz tasymaldaý kúdigimen ustady. Kúdiktini tintý kezinde qara ızolentpen oralǵan 25 túıinshek tabyldy. Túıinshektiń árqaısysyna 1 gramm aq tústi untaq salynǵan. Saraptamanyń qorytyndysymen aq tústi untaqtyń «Alfa-PVP» sıntetıkalyq esirtki ekeni dáleldendi. Esirtkiniń jalpy salmaǵy – 24,7 gramm, - dep habarlady departamenttiń baspasóz qyzmeti. 

Sot sheshimimen esirtkini zańsyz tasymaldaǵan jasóspirim tergeý ızolıatoryna qamaýǵa alyndy. 

– Qazir kúdiktige qatysty QR Qylmystyq kodeksiniń 2297-babynyń 3-bóliginiń 3-tarmaǵymen sotqa deıingi tergeý bastaldy. Ózge aqparat QR Qylmystyq-protsestik kodeksiniń 201-babyna sáıkes jarııalaýǵa jatpaıdy. QR Konstıtýtsııasynyń 77-baby 3-tarmaǵynyń 1-tarmaqshasy, QR Qylmystyq-protsestik kodeksiniń 19-babynyń 1-bóligine sáıkes adamnyń kináli ekendigi zańdy kúshine engen sot úkimimen tanylǵansha jasaǵan qylmysqa kináli emes dep esepteledi, -dep málim etti departamenttiń baspasóz qyzmetinen.

Eske sala ketelik, budan buryn Atyraýda bet-álpetti tanıtyn kameramen halyqaralyq izdeýde júrgen 2 adam anyqtalǵanyn jazǵan bolatynbyz.