Atyraýda esirtki satý úshin ınternet-dúken ashqan qylmystyq top ustaldy
ATYRAÝ. KAZINFORM — Polıtsııa qyzmetkerleri Telegram áleýmettik jelisinde zańsyz esirtki ınternet-dúkenin ashyp, Atyraý qalasy aýmaǵynda esirtkini taratýmen aınalysqan qylmystyq toptyń áreketine tosqaýyl qoıdy.
Atyraý oblystyq PD esirtki qylmysyna qarsy is-qımyl basqarmasy Atyraý oblysy prokýratýrasynyń úılestirýimen jedel-izdestirý is-sharalaryn júrgizý kezinde birneshe azamatty ustaǵan.
— Tekserý barysynda 1994 jyly týǵan kúdikti ınternet-dúkendi basqaryp, ózinen basqa zańsyz qyzmetke 5 adamdy tartqany anyqtaldy. Qazirgi ýaqytta kúdiktiler qamaýǵa alyndy. Olarǵa qatysty qylmystyq is qozǵalyp, keshendi tergeý amaldary júrgizilip jatyr, — dep málimdedi PD baspasóz qyzmeti.
Osyǵan deıin esirtki taratý jáne kontrabandamen aınalysqan qaraǵandylyqtyń 15 jylǵa sottalǵanyn jazǵan edik.