Atyraýda esirtki ósirýge arnalǵan fıtozerthana anyqtaldy

ATYRAÝ. KAZINFORM — Atyraý qalasynda polıtseıler esirtki ósirýge arnalǵan arnaıy fıtozerthanany anyqtady. Bul týraly Polisia.kz saıty habarlady.

Atyraý oblysy polıtsııa departamentiniń esirtki qylmysyna qarsy is-qımyl basqarmasy men kınologııalyq qyzmet ortalyǵynyń qyzmetkerleri jedel-izdestirý is-sharasy barysynda 52 jastaǵy qala turǵynyn ustady.

Tekserý kezinde onyń turǵylyqty mekenjaıynda fıtozerthana retinde jabdyqtalǵan saraıdan jalpy salmaǵy 5 keli bolatyn 21 túp qarasora (kannabıs) ósimdigi tabylyp, tárkilendi.

- Atalǵan derek boıynsha QR Qylmystyq kodeksiniń 300-baby 1-bóligimen (esirtki zattaryn zańsyz ósirý) sotqa deıingi tergep-tekserý amaldary bastaldy.

Qylmystyq-protsestik kodekstiń 201-babyna sáıkes, is boıynsha ózge málimetter jarııa etýge jatpaıdy, - delingen aqparatta.

Eske salaıyq, QR Konstıtýtsııasynyń 77-baby 3-bóliginiń 1-tarmaqshasyna jáne QPK-niń 19-baby 1-bóligine sáıkes, adamnyń kinási zańdy kúshine engen sot úkimimen dáleldenbeıinshe, ol qylmys jasaǵan dep eseptelmeıdi.

Aıta keteıik, Almaty oblysynda bıyl 8 esirtki zerthanasy joıyldy.