Atyraýda eki jylda áıelderge qarsy 15 qylmys jasalǵan
ATYRAÝ. KAZINFORM — Atyraýda sońǵy eki jylda otbasynda zorlyq-zombylyqqa qatysty 5 myńǵa jýyq quqyq buzýshylyq jasalǵany anyqtalǵan. Al, áıelderge qarsy 15 qylmystyq is tirkelgen.
Atyraý qalalyq polıtsııa basqarmasy áıelderdi zorlyq-zombylyqtan qorǵaý tobynyń ınspektory Áıgerim Oraqbaevanyń aıtýynsha, munaıly shahar daǵdarys ortalyǵy, Jylyoı men Qurmanǵazy aýdanynda arnaıy kabınet ashylǵan.
«Otbasyndaǵy zorlyq-zombylyq azaımaı otyr. Máselen, Atyraýda sońǵy eki jylda osyndaı 5 myńǵa jýyq quqyq buzýshylyq anyqtaldy. Osyǵan baılanysty 4 770 adam QR Ákimshilik quqyq buzýshylyq týraly kodeksiniń 73, 73-1 jáne 73-2-babymen ákimshilik jaýapkershilikke tartyldy. Onyń ishinde 3145 adamǵa qorǵaý nusqamasy shyǵaryldy. Áıelderge zábir kórsetýge qatysty 15 qylmystyq is qozǵaldy. Qorǵaý nusqamasyn 1 aı ishinde buzyp, agressııalyq minez-qulqyn kórsetken 196 adam atalǵan qujattyń 461-babyna sáıkes jazalandy», - dep habarlady departamenttiń baspasóz qyzmeti.
Eske sala ketelik, buǵan deıin Atyraýda bir aıda daǵdarys ortalyǵyna 4 áıel men 11 bala ornalastyrylǵanyn habarlaǵan bolatynbyz.
