Atyraýda bir táýlikte 30 sábı ómirge keldi

Atyraýda sońǵy bir táýlikte 30 náreste jaryq dúnıe esigin ashty. Onyń arasynda bir egiz bar, dep habarlaıdy Kazinform. 

Atyraý oblystyq perınataldyq ortalyǵy baspasóz qyzmetiniń málimetinshe, byltyr 301 egiz dúnıege kelgen.

«Byltyr oblystyq perınataldyq ortalyqta 7 863 bala jaryq dúnıe esigin ashty. Onyń ishinde 301 egiz bar. Egizdiń biri 2023 jylǵy 31 jeltoqsanda saǵat 15:20-da ómirge keldi. Ortalyqta 31 jeltoqsannan 1 qańtar kúngi saǵat 09:00-ge deıin 30 sábıdiń dúnıege kelgeni tirkeldi. Jańa týǵan nárestelerdiń 14-i qyz bolsa, al 16-y – ul», - dedi ortalyqtyń baspasóz qyzmeti.

Eske sala ketelik, buǵan deıin Atyraýda dúnıege kelgen 20 mıllıonynshy sábıdiń esimi Muhammad ekenin jazǵan edik.

Berik Jumaǵazıev pen Aıdana Orazymbetovanyń otbasyndaǵy tuńǵyshtyń boıy – 54 sm, salmaǵy – 3 660 gramm. Elimizdegi 20 mıllıonynshy turǵyn bolyp tirkelgen sábıdiń ata-anasyna «Otbasy bank» AQ oblystyq fılıalynyń dırektory Nurjan Muǵalimov 2 mln teńgeniń sertıfıkatyn tabys etti.

Onyń aıtýynsha, bul qarjyny balanyń bolashaqtaǵy qajettiligi úshin bank depozıtine salýǵa bolady. Keıin bul qarjyny Muhammadtyń oqýyna nemese baspana alýyna paıdalanady.