Atyraýda Bereke, Almaly, Besikti aýyldaryn sý basýy múmkin
ATYRAÝ. KAZINFORM — Atyraý qalasy mańyndaǵy Bereke, Almaly, Besikti aýyldaryn tasqyn sý basý qaýpi tónýi múmkin.
Oblys ákiminiń orynbasary Jasulan Bısembıevtiń málimetinshe, Atyraý qalasyndaǵy Jaıyq ózeniniń jaǵalaýy 105 shaqyrymdy quraıdy.
Qorǵaý bógetiniń uzyndyǵy — 77 shaqyrym.
«Oblysta jaǵalaýdaǵy bekitilýi tıis aýmaqtyń uzyndyǵy 182 shaqyrymdy quraıdy. Jaıyq ózeniniń jaǵalaýyn bekitý úshin qurylys nysandarynyń jumysy toqtatyldy. Qazir jaǵalaýdy bekitýge 1 myńnan astam tehnıka jumyldyryldy. Tehnıkanyń 600-den astamy Atyraý qalasynda tartyldy», -dep habarlady Jasulan Bısembıev.
Tasqyn sýdy burý úshin tabıǵı arnalardy tazartý bastalǵan.
Osy maqsatta Kóktoǵaı aýylyndaǵy Aqsaı, Jarsýat aýylynyń tusyndaǵy Quraıly kanaly tazartylady.
Aqqala aýylynyń mańynda osyndaı taǵy bir arna bar. Al, Mahambet aýdanynda 8 arna bar.
Máselen, Naryn kanalynyń 3 shaqyrymy qazylyp jatyr.
Buǵan qosa Baqsaı kanaly, Esbol-Qazybaı, Alǵa-Egiz, Aısary Zvornyı kanaldary, Aqtoǵaı aýylynyń tusynda tusynda eki núkte anyqtaldy.
Bul — tabıǵı saı.
«Basty maqsatymyz — tasqyn sýdyń eldi mekenderge kirýine jol bermeý. Degenmen, Atyraý qalasynyń soltústigindegi eldi mekenderge sý basý qaýpi bar. Onyń ishinde Besikti, Almaly, Bereke eldi mekenderin táýekel aımaǵynda tur. Sol sebepten, osyndaı aýyldardyń mańynda eki qatarly qorǵaý bógeti salynyp jatyr», -dep málim etti Jasulan Bısembıev.
Eske sala ketelik, budan buryn Serik Shápkenov Jaıyq ózeniniń sýy Atyraý qalasyna qaı tustan kirýi múmkin ekenin aıtqan bolatyn.
