Atyraýda balabaqshalar qarjysyn Qazna face qosymshasymen baqylaýǵa bolady

ATYRAÝ. KAZINFORM – Atyraýda balabaqshalarǵa bólingen qarjyny «Qazna face» qosymshasymen baqylaýǵa alynady.

Atyraý qalalyq bilim bóliminiń basshysy Aınagúl Dúısekenovanyń aıtýynsha, munaıly shaharda memlekettik 45 balabaqsha bar. Jekemenshik 76 balabaqsha memlekettik tapsyrys aıasynda jumys isteıdi.

«Osy kezge deıin «Qazna face» qosymshasy pılottyq joba retinde eki balabaqshada iske qosylyp, oń nátıje berdi. Buryn jergilikti bıýdjet esebinen berilgen memlekettik tapsyrystyń nysanaly maqsatynda oryndalǵanynn anyqtaıtyn fýnktsııa bolǵan joq. Atyraý oblysy ákiminiń qaýlysyna sáıkes, jekemenshik bbalabaqshalar aı saıyn 7 897 tárbıelenýshiniń árqaısysyna 53 myń 78 teńge kóleminde memlekettik tapsyrys alyp otyr. Endi «Qazna face» qosymshasyn barlyq balabaqshaǵa engiziledi. Maqsat – jergilikti bıýdjet qarjysyn únemdi jumsaý jáne sybaılas jemqorlyqtyń aldyn alý. Bul mobıldik qosymshany iske qospaı turyp, ózimiz júrgizgen monıtorıng nátıjesinde bir aptada 2 mln teńgeni jergilikti bıýdjetke qaıtardyq. Al, «óli jandar» dereginiń kóbeıýine jáne 1 471 orynnyń bos turýyna baılanysty konkýrstyq rásimder ótkizilgen joq. Bul konkýrstyq rásimder 5 maýsymda ótkiziledi», -deıdi Aınagúl Dúısekenova.

«Qazna face» qosymshasy qaladaǵy №43 «Arman» balabaqshasyna pılottyq joba retinde engizilgen. Balabaqsha basshysy Gúlbarshyn Qarabasovanyń aıtýynsha, qosymsha mekeme basshysy men tárbıeshiniń mobıldi telefonyna ornatylady. Balanyń densaýlyǵyna qaýip tóndirmeıdi.

«Biz bul qosymshamen ótken jyldyń qyrkúıeginen beri jumys istep kelemiz. Qosymshanyń negizgi maqsatyna sáıkes, balanyń balabaqshaǵa kelýin tabelge túsirip, qadaǵalap otyramyz. Qosymshadan balanyń densaýlyǵyna tónetin qaýip joq. Bala týraly málimet úshinshi tulǵaǵa berilmeıdi. Ata-analar da qosymshany telefonyna ornatýǵa kelisimin berdi», -deıdi Gúlbarshyn Qarabasova.

Eske sala ketelik, budan buryn Atyraýda eki aýdannyń oqýshylary emtıhandy tapsyrmaıtynyn habarlaǵan edik.