Atyraýda 4 stansa Jaıyqtan alynǵan sýdy úzdiksiz tazartýda

ATYRAÝ. KAZINFORM – Atyraýda Jaıyq ózeninen alynǵan sýdy tazartýǵa qoldanylatyn 14 tonna reagent bar. 

«Atyraý oblysy Sý Arnasy» KMK-nyń Jaıyq ózeninen alynǵan sýdy tazartatyn 4 stansasy bar. Kásiporynnyń bas tehnology Jámıla Isaǵalıevanyń aıtýynsha, ár stansada táýligine 30 myń tekshe metr sý tazartylady.

«Qazir ózennen alynǵan sýdy tazartýǵa qoldanylatyn 14 myń tonna reagent bar. Bul – 3 aıǵa jetetin qor. Osy kezge deıin Atyraý qalasy men oǵan irgeles ornalasqan eldi mekenderdiń, Maqat aýdanyndaǵy Maqat jáne Dossor kentteriniń, Eskene aýylynyń turǵyndaryna tazartylǵan aýyz sý jetkizip otyrmyz. Jaıyqta sý deńgeıi kóterilgenimen, bizdiń stansalarda sýdy tazartý, súzgiden ótkizý jumystary toqtamaıdy. Biz tutynýshylarǵa taza aýyz sý jetkizýdi jalǵastyra beremiz. Óıtkeni, bizdiń sý tazartý stansalarymyzǵa sý tasqyny qaýip tóndirmeıdi», - deıdi Jámıla Isaǵalıeva. 

Eske sala ketelik, buǵan deıin Jaıyq ózeninen Atyraý mańyndaǵy 5 eldi mekenge qaýip tónýi múmkin ekenin jazǵan bolatynbyz.