Atyraýda 15 jasar qyzdy turmysqa bergeni týraly aqparat tarady
ATYRAÝ. KAZINFORM – Atyraýda 15 jasar qyzdy eriksiz turmysqa bergeni týraly aqparat tarady. Jergilikti polıtsııa atalǵan derekke baılanysty qylmystyq is qozǵady.
Atyraý oblystyq polıtsııa departamentiniń baspasóz qyzmetinen málim etkendeı, áleýmettik jelide taraǵan aqparatqa baılanysty tergeý isi jańǵyrtylady.
«Atalǵan derekke qatysty qylmystyq is tirkeldi. Alaıda, alǵashqy tergeý kezinde jábirlenýshi tarap qylmys quramyn tolyqqandy tergeý úshin tıisti sot-medıtsınalyq, psıhıatrııalyq saraptamalarynan ótýden bas tartty. Osylaısha, keshendi tergeý áreketin júrgizýge kedergi keltirdi. Áleýmettik jelide taralǵan málimetter boıynsha tergeý jańǵyrtylady. Tekserý júrgiziledi», -dep málim etti departamenttiń baspasóz qyzmetinen.
Eske sala ketelik, budan buryn Atyraýda jasóspirimder túngi mezgilde oıyn klýbtarynda júrgenin habarlaǵan bolatynbyz.
