Atyraýda 1,1 mln teńgeden astam aıyppulyn tólemegen júrgizýshi ustaldy

Atyraýda iri mólsherdegi aıyppulyn tólemeı júrgen eki júrgizýshi ustaldy. Júrgizýshiniń birine 900 myń, ekinshisine 1 mln 138 myń teńge aıyppul salynǵan, dep habarlaıdy Kazinform.

Oblystyq polıtsııa departamentiniń baspasóz qyzmetinen málim etkendeı, keshe, 29 qazanda eki júrgizýshi ustalǵan.

– Atyraý qalalyq polıtsııa basqarmasy jedel basqarý ortalyǵynyń beınebaqylaý qyzmetkerleri jergilikti ýaqytpen saǵat 16:20 shamasynda Interceptor izdeý júıesi arqyly eki avtokólikti anyqtady. Patrýldik polıtsııa qyzmetkerleri VAZ jáne Audi avtokólikterin qala aýmaǵynan toqtatty. Reseılik zaýyttan shyǵarylǵan jeńil kólik júrgizýshisine 900 myń teńgeni quraıtyn 34 aıyppul salynǵan. Al, Audi avtokóligi júrgizýshisiniń 1 mln 138 myń teńgeni quraıtyn 28 aıyppuly bar ekeni anyqtaldy. Júrgizýshilerge tıisti is-sharalary qoldanylyp, avtokólikter arnaıy aıyp turaǵyna qoıyldy, -dep habarlady departamenttiń baspasóz qyzmeti.

Eske sala ketelik, buǵan deıin Atyraýda bir aıda aıyppulyn tólemeı júrgen 1 myń júrgizýshi ustalǵanyn habarlaǵan edik.

Sondaı-aq, jol erejesin buzǵan zeınetker júrgizýshige 483 myń teńge aıyppul salynǵanyn jazǵan bolatynbyz.

Belgili bolǵandaı, 16 qazannan beri kóliktiń rýline alkogoldik mas kúıde otyrǵan 22 jastaǵy 7 jyl merzimge júrgizý quqyǵynan aıyrylǵan. Al, 1955 jyly týǵan zeınetker júrgizýshige 483 myń teńge kóleminde aıyppul salynǵan.

Sondaı-aq, 18 qazanda jedel basqarý ortalyǵynyń beınebaqylaý qyzmetkerleri Interceptor izdeý júıesi VAZ–2110 avtokóliginiń júrý baǵytyn anyqtady. Patrýldik polıtsııa qyzymetkerleri avtokólikti toqtatty. Tekserý kezinde 1983 jylǵy júrgizýshiniń 793 myń 500 teńgeni quraıtyn 36 aıyppuly bar ekeni anyqtaldy. Boryshker júrgizýshiniń avtokóligi arnaıy aıyp turaǵyna qoıyldy.