Atyraýda 1 sáýirden beri 425 keli bekire, 2,5 keli qaraýyldyryq tárkilendi
ATYRAÝ. KAZINFORM – 1 sáýirden beri Atyraýda zańsyz aınalymnan 425 keli bekire, 2,5 keli qaraýyldyryq tárkilendi.
Elimizdiń batysyndaǵy Atyraý, Mańǵystaý jáne Bastys Qazaqstan oblysyndaǵy sý aıdyndarynda 1 sáýirden beri «Bekire-2024» balyq qorǵaý aktsııasy ótip jatyr. Bul aktsııa 31 mamyrǵa deıin jalǵasady.
Atyraý oblystyq polıtsııa departamentiniń baspasóz qyzmetinen málim etkendeı, atalǵan is-sharaǵa baılanysty Erkinqala aýylynan Kaspıı teńizine shyǵatyn Jaıyq ózeni boıyndaǵy «Peshnoı» beketinde jyljymaly mobıldik toptary qurylǵan. Qazir Erkinqala, Damby, Alǵabas eldi mekenderine qatynaıtyn jolda avtokólik quraldarynyń qozǵalysyna baqylaý júrgizý qolǵa alyndy.
«Polıtsııa qyzmetkerleri bekire tuqymdas balyqtyń zańsyz aınalymyna baılanysty 6 quqyq buzýshylyq anyqtaldy. 4 qylmysqa qatysty sotqa deıingi tergep-tekserý amaldary bastaldy. Quqyq buzýshylyqqa baılanysty 7 qaıyq, 8 avtokólik tárkilenip, arnaıy turaqqa qoıyldy. Zańsyz aınalymnan 435 keli bekire tuqymdas balyq, 2 keli 500 gramm qaraýyldyryǵy tárkilendi», - dep habarlady departamenttiń baspasóz qyzmeti.
Eske sala ketelik, buǵan deıin Atyraýda brakonerler 313 keli bekireni qamys arasyna jasyrǵanyn habarlaǵan edik.
