«Atyraý» voleıbol klýby óz alańynda taǵy da ese jiberdi

ATYRAÝ. KAZINFORM — Atyraý qalasynda voleıboldan erlerdiń ulttyq lıga komandalary arasynda HHHІІІ Qazaqstan chempıonatynyń birinshi týrynda alań ıeleri ekinshi ret qatarynan jeńilip qaldy.

Serbııalyq maman Deıan Výlıchevıch jattyqtyratyn «Atyraý» klýby bul joly «Býrevestnık» (Almaty) komandasyna 0:3 (20:25, 22:25, 17:25) esebimen ese jiberdi.
Bastapqy kezdesýinde el chempıony «Tarazdan» utylǵan atyraýlyqtar týrnır kestesinde ázirge sońǵy, 9-orynda tur.

Tarazdyqtar juma kúni «Esilge» 1:3 (25:22, 22:25, 22:25, 23:25) jol berdi. Bul joly senbide sýperkýbok úshin «Aqtóbemen» alańǵa shyǵatyndyqtan, «Tarazdyń» bas bapkeri ıÝrıı Bashkatov qosalqy quramǵa senim artty. 

Ótken Qazaqstan chempıonatynyń kúmis júldegeri «Pavlodar» «Ushqyn-Kókshetaýdy» 3:0 (25:20, 25:16, 25:16) esebimen tize búktirdi. 

Osylaısha, týrnır kestesinde «Jetisý» (Taldyqorǵan) 8 upaımen kósh bastasa, odan eki upaıy kem «Taraz» ben «Pavlodar» ekinshi jáne úshinshi orynda keledi. 

Senbi kúni ortalyq kezdesý «Taraz» ben «Aqtóbe» arasynda ótip, jeńgen komanda sýperkýbokqa ıe bolady.

Eske sala keteıik, budan buryn voleıboldan Qazaqstan chempıonatynda «Jetisý» qatarynan úshinshi ret jeńiske jetkenin jazǵan bolatynbyz.