Atyraý turǵyny mopedin kólik quraly retinde tirkeýden ótkizdi

ATYRAÝ. KAZINFORM – Atyraýda alǵash ret moped kólik quraly retinde tirkeldi. Ony esepke qoıǵan munaıly shahar turǵyny – 36 jastaǵy Rýslan Abdýgýseınov.

Onyń aıtýynsha, mopedti tirkeý maýsymynyń bastalýyn kútkisi kelmegen. Búgin ol kólik quraly retinde tirkeýden ótkizgen mopedine memlekettik nómir aldy.

Atyraý oblystyq Polıtsııa departamentiniń baspasóz qyzmetinen málim etkendeı, 2025 jylǵy 5 sáýirde kólikti tirkeý qaǵıdalary men Jol qozǵalysy týraly zańdaǵy túzetýler kúshine enedi.

– Sol kúnnen bastap 50 tekshe metrlik mopedter resmı túrde mehanıkalyq kólikterge teńestiriledi. Endi osyndaı kólikti aıdaý úshin júrgizýshige A1, A nemese V sanatyndaǵy júrgizýshi kýáligi, al mopedte memlekettik nómir men saqtandyrý bolǵany jón. Mopedti tehnıkalyq tekserýden ótkizý qajet. Shaǵyn kýbatorlyq mototehnıkany tirketý úshin ıelerine birqatar qujatty usynýy kerek. Bul – jeke kýálik nemese onyń sandyq balamasy, kóliktiń tehnıkalyq qujaty, mopedtiń sıpattamasy týraly aqparat, - dep habarlady departamenttiń baspasóz qyzmeti.

Eske sala ketelik, byltyr Atyraýda moped júrgizýshileriniń kesirinen 6 adam mert bolyp, 70-i jaraqat alǵanyn habarlaǵan edik.