Atyraý oblystyq bilim basqarmasynyń basshysy qyzmetinen ketti

ATYRAÝ. KAZINFORM — Atyraý oblystyq bilim basqarmasynyń basshysy Erlan Slambekovtiń qyzmetinen ketkeni belgili boldy.

Onyń bul laýazymǵa byltyrǵy shildede taǵaıyndalǵanyn habarlaǵan edik.

Erlan Slambekov Erlan Talǵatbekuly 1983 jyly Temirtaý qalasynda dúnıege kelgen.

Túrkııanyń Seljýk ýnıversıtetin «tarıh» mamandyǵymen bitirgen. Q.Jubanov atyndaǵy Aqtóbe memlekettik pedagogıka ýnıversıtetinen tarıh magıstri, Eýrazııa ulttyq ýnıversıtetinen pedagogıka jáne psıhologııa mamandyǵy boıynsha PhD doktoranty atanǵan. AQSh-ta Mindsteps TM jáne ASCD, Ulybrıtanııanyń North London Grammar School-da, Astana, Almaty qalalaryndaǵy bilim berý ortalyqtarynda taǵylymdamadan ótken.

Bıylǵy mamyrdan beri Bilim jáne ǵylym mınıstrligi «Respýblıkalyq ǵylymı-praktıkalyq bilim mazmunyn saraptaý ortalyǵy» sharýashylyq júrgizý quqyǵyndaǵy respýblıkalyq memlekettik kásiporny dırektorynyń orynbasary laýazymyn atqarǵan.

«Osydan 7 aı buryn Atyraý jerine tyń ıdeıa, ómirsheń jobalarymmen qadam basyp edim. Jeti aı kóp te, az da emes. Osy aralyqta talaı qıyndyqpen betpe-bet kelip, jaǵymdy jańalyqtarmen bólistim. Mańyzdy sheshimder qabyldadym. Oqý-aǵartý mınıstrligi júktegen mindetter aıasynda biraz jumys atqaryldy. Bilim deńgeıin kóterý, bilim berý uıymdarynyń jumysyn ońtaılandyrý maqsatynda birqatar jobalardy iske qostyq», - dep jazdy ol áleýmettik jelidegi paraqshasynda.

Onyń aıtýynsha, jeke josparyna baılanysty óz erkimen oblystyq bilim berý basqarmasy basshysy laýazymynan bosatýǵa ótinish bergen.