Atyraý oblysynyń BQO-men shekaradaǵy Baǵyrlaı kanalyna mol sý keldi
ATYRAÝ. KAZINFORM – Atyraý oblysynyń BQO-men shekaradaǵy Baǵyrlaı kanalyna mol sý keldi.
«Qazsýshar» RMK Inder óndiristik ýchaskesiniń basshysy Saılaý Baıbosynovtyń aıtýynsha, Baǵyrlaı kanalynyń uzyndyǵy – 105 shaqyrym.
«Inder aýdanynda tórt sýarý-sýlandyrý kanaly bar. Bul – Aqsaı, Baǵyrlaı, Alǵabas-Joryq, Quraılysaı kanaldary. Tórt kanaldyń jalpy uzyndyǵy 302 shaqyrymdy quraıdy. Onyń ishinde eń uzyny sanalatyn Baǵyrlaı kanalynyń strategııalyq mańyzy bar. Sebebi, bul kanal Atyraý oblysy men BQO-nyń shekarasymen ótedi. 1994 jylǵy sý tasqyny kezinde Baǵyrlaı kanalyna kóp mólsherde sý kelgen edi. Qazir Batys Qazaqstan oblysynyń terrıtorııasynan atalǵan kanalǵa mol sý kelip tur» - deıdi Saılaý Baıbosynov.
Onyń aıtýyna qaraǵanda, Inder aýdanyndaǵy Baǵyrlaı, Aqsaı kanalyn jańǵyrtý júrip jatyr.
Eske sala ketelik, buǵan deıin Atyraý oblysynda jaǵalaýǵa 2,7 mln qum toltyrylǵan qap tóselgenin habarlaǵan edik.
