Atyraý oblysynda balyq qyrylyp jatyr

Atyraý oblysyndaǵy Solenoe kanalynda balyq qyrylyp jatyr. Qazir sý marjanynyń qyrylý sebebin tekserý bastaldy, dep habarlaıdy Kazinform. 

Jaıyq-Kaspıı oblysaralyq basseındik balyq sharýashylyǵy ınspektsııasynyń aqparatyna súıensek, búgin, 2 qańtarda atalǵan kanalda balyqtyń qyrylǵany týraly aqparat túsken.

«Atyraý oblysynyń Jylyoı aýdanyndaǵy Solenoe kanalynda balyqtyń qyrylǵany anyqtaldy. Ózara is-qımyl shemasyna sáıkes, bul jaǵdaı týraly barlyq múddeli memlekettik jáne jergilikti atqarýshy organǵa jedel túrde habarlandy. Osy aqparatty tekserý úshin búgin, 2 qańtarda Jaıyq-Kaspıı oblysaralyq basseındik balyq sharýashylyǵy ınspektsııasynyń basshysy, jergilikti atqarýshy organ, ekologııa departamenti qyzmetkerlerinen quralǵan komıssııa oqıǵa ornyna attanyp ketti», - dep habarlady ınspektsııanyń baspasóz qyzmeti.

Mamandardyń túsindirýnishe, balyqtyń qyrylý sebebi ázirge belgisiz. Onyń sebebi sýdan alynatyn synamanyń qorytyndysynan soń belgili bolady.