Atyraý oblysynda jyl basynan beri 2 300-ge jýyq adamnan júrek aýrýy anyqtalǵan

 Atyraý oblysynda jyl basynan beri 50 myńnan astam adam skrınıg tekserýden ótken. Onyń ishinde 2 300-ge jýyq adamnan júrek aýrýymen tirkelgen, dep habarlaıdy QazAqparat tilshisi. 

Oblystyq kardıologııa ortalyǵynyń dáriger-kardıology Aıdana Іzmuhanovanyń aıtýynsha, skrınıngtik tekserýge 30-70 jas aralyǵyndaǵy turǵyndar júgingen.

«Álemniń kóptegen eliniń densaýlyq saqtaý salasynda júrek-qan tamyry aýrýlary basty problemanyń birine aınalyp otyr. Bul aýrý eresek adamdardy ne múgedektikke shaldyqtyrady. Der kezinde emdelmese, ólimge ákelip soqtyrady. Ólim-jitimniń 50%-ǵa jýyǵy júrek-qan tamyry aýrýynan bolatyny anyqtalyp otyr. Óıtkeni Dúnıejúzilik densaýlyq saqtaý uıymynyń zertteýine súıensek, júrek-qan tamyrlary aýrýlary tamaqtaný ratsıonynyń ózgerýimen tikeleı baılanysty bolyp otyr», -dep túsindirdi Aıdana Іzmuhanova.

Onyń aıtýyna qaraǵanda, júrek-qan tamyrlary aýrýyna shaldyqtyratyn birneshe faktor bar.

«Birinshiden, qorshaǵan ortanyń jaǵymsyz faktorlarynyń 80%-dan astamy adam aǵzasyna tutynǵan tamaǵy arqyly keri áser etedi. Ekinshiden, artyq salmaq pen semizdik te júrek-qan tamyrlary, qant dıabeti jáne basqa da kúrdeli aýrýlardyń qaýipti faktoryna aınalǵan. Sol sebepten turǵyndar júrek-qan tamyrlary aýrýyna shaldyqpaýy úshin tamaqtaný mádenıetin saqtaǵany jón. Úshishiden, faktor – temeki tartý. Shylymqorlyq adam ómirin 7-10 jylǵa qysqartady. Temeki tartpaıtyn adamdarǵa qaraǵanda, shylymqorlar arasynda mıokard ınfarktisine shaldyǵý deregi eki ese kóp. Al osy aýrýdan qaıtys bolatyndar 4 esege artyq», - dep málim etti Aaıdana Іzmuhanova.

Eske sala ketelik, budan buryn Atyraýda «Ańsaǵan sábı» baǵdarlamasymen ómirge kelgen sábıdiń salmaǵy 503 gramm bolǵanyn habarlaǵan edik.