Atyraý oblysynda jedel járdem feldsherleri júkti áıeldi úıinde bosandyrdy

ATYRAÝ. KAZINFORM – Atyraý oblysynda jedel járdem feldsherleri júkti áıeldi úıinde bosandyryp aldy.

Atyraý óńirlik kommýnıkatsııalar qyzmetiniń málimetinshe, oblystyq jedel-járdem stansanynyń kezekshi bólimine Qurmanǵazy aýdanyndaǵy Hıýaz aýylynan shaqyrtý túsken. Osyǵan baılanysty shaqyrtýǵa jedel járdem brıgadasynyń feldsherleri jiberilgen.

Shuǵyl shaqyrý ornyna 47-shi brıgada feldsheri Rýslan Musaǵalıev pen qosalqy feldsher Álbına Qamıeva barǵan. Olar 31 jastaǵy áıeldiń júktiligi merzimi 38-39 apta ekenin anyqtady.

«Besinshi ret qursaq kótergen kelinshek bastapqyda tolǵaqtyń kúsheıýin kútip, aýrýhana barýǵa asyqpaǵan. Keıin tolǵaǵy jıilep, qatty aýyrsyný ıýaıqalǵan soń jedel-járdem brıgadasyn shaqyrtqan. Bizdiń brıgada júkti kelinshekke 6-7 mınýtta jetti. Júkti áıeldi aýrýhanaǵa jetkizetin bolsaq, kólikte bosanýy múmkin edi. Sondyqtan, ýaqyt joǵaltpaı, birden bosandyrýǵa kiristik. Bosandyrý protsesi qaýipsiz atqaryldy. Dúnıege ul keldi», - deıdi Rýslan Musaǵalıev.

Onyń aıtýynsha, jedel járdem feldsherleri bosanǵan áıeldi Qurmanǵazy aýdandyq ortalyq aýrýhanasyna jetkizgen. Qazir aýrýhana dárigerleri bosanǵan áıeldi de, náresteni de baqylaýǵa alǵan.

«Bizdiń jumysymyzda mundaı jaıt jıi kezdesedi. Júkti áıelderdi bosandyrýǵa baılanysty tájirıbemiz de bar. Júkti analar tolǵaq biline bastaǵanda, jedel járdem brıgadasyn shaqyrtýdy kesheýildetpegeni jón. Olar jergilikti ýchaskelik dárigerlerdiń turaqty baqylaýynda bolýy qajet. Alys saparǵa shyǵatyn bolsa, ýchaskelik dárigerge eskertýi tıis. Óıtkeni, ana men balanyń saýlyǵyna atústi qaraýǵa bolmaıdy», - deıdi Rýslan Musaǵalıev.

Eske sala ketelik, budan buryn Atyraýda kópbalaly ana turǵyn úı kezeginen zańsyz shyǵarylǵanyn jazǵan bolatynbyz.