Atyraý oblysynda Reseımen shekaraǵa deıingi jol aralyǵy paıdalanýǵa beriledi
Atyraý oblysynda Reseı Federatsııasynyń shekarasyna deıingi jolǵa kúrdeli jóndeý jalǵasyp jatyr. Jalpy uzyndyǵy 277 shaqyrymdyq joldyń 235 shaqyrymyna jańa asfalt tóselgen, dep habarlaıdy Kazinform.
«QazAvtoJol» UK» AQ-nyń baspasóz qyzmetinen málim etkendeı, Qurmanǵazy aýylynan Reseı Federatsııasynyń shekarasyna deıingi jol aralyǵyn paıdalanýǵa berý josparlanyp otyr.
– Jol qurylysyn júrgizip jatqan mamandar atalǵan ýchaskeni daıyndap jatyr. Qazirgi ýaqytta Atyraý qalasynan Naryn aýylyna deıin, Isataı aýylynan Qurmanǵazy aýylyna deıingi jol ýchaskesi kólik qatynasy úshin jol boıynda 13 kópir salý josparlanǵan. On kópirdiń qurylys jumystary tolyq aıaqtaldy. Qalǵan 42 shaqyrym jolda táýlik boıy qurylys jumystary jalǵasyp jatyr, - dep habarlady kompanııanyń baspasóz qyzmeti.
Eske sala ketelik, budan buryn Atyraýdan Reseımen shekaraǵa deıingi joldy jóndeýge 18 mlrd teńge bólingenin habarlaǵan edik.
«QazAvtoJol» UK» AQ Atyraý fılıalynyń dırektory Bolatbek Aıtbaevtyń málimetinshe, óńirde respýblıkalyq avtojol jelisi – 1126 shaqyrym.
– Bul óńir aýmaǵymen Reseıdiń Astrahan oblysynan Atyraý, Mańǵystaý oblystary arqyly Túrikmenstan Respýblıkasymen shekaraǵa deıingi, Oral-Atyraý jáne Aqtóbe-Atyraý baǵytyndaǵy jol ótedi. Bıyl respýblıkalyq joldardy damytýǵa 36 mlrd teńge bólindi. Onyń ishinde 18 mlrd teńge Atyraýdan Reseı Federatsııasynyń shekarasyna deıingi joldy rekonstrýktsııalaýǵa jumsalady. Qandyǵash – Maqat baǵytyndaǵy trassaǵa 7,9 mlrd, Oral-Atyraý jolyn rekonstrýktsııalaý úshin jobalaý smetalyq qujattama ázirleýge 300 mln teńge qaralyp otyr, -degen edi Bolatbek Aıtbaev.
