Atyraý oblysynda birneshe salada básekelestikke kedergi keltirilgen

ATYRAÝ. KAZINFORM – Atyraý oblysynda munaı óńdeý, kólik, densaýlyq saqtaý salalaryndaǵy básekelestikke qarsy áreket anyqtalyp otyr.  

Básekelestikti qorǵaý jáne damytý agenttiginiń Atyraý oblystyq departamenti basshysynyń orynbasary Ásel Ádıevanyń deregine qaraǵanda, júrgizilgen taldaý nátıjeleri boıynsha munaı óńdeý, jýý-býlaý, memlekettik satyp alý jáne densaýlyq saqtaý salasynda básekelestikke kedergi keltiretin jaǵdaılar anyqtalǵan.

– Máselen, «Atyraý munaı óńdeý zaýyty» JShS tarapynan munaı óńdeý qyzmetine joǵary baǵa belgilelengen. Sol arqyly ústem jaǵdaıdy teris paıdalaný belgileri baıqaldy. Qazir bul derek boıynsha tergeý jalǵasyp jatyr, - deıdi Ásel Ádıeva.

Sondaı-aq meke medıtsınalyq mekemelerdiń qyzmetine kedergi keltirýi múmkin áreketi Atyraý oblystyq densaýlyq saqtaý basqarmasyna da qatysty tergeý taǵaıyndalǵan.

– Atalǵan basqarma buǵan deıin monopolııaǵa qarsy organnyń resmı habarlamasyn belgilengen merzimde oryndamady. Biz monopolııaǵa qarsy zańnamanyń buzylýyn anyqtap qana qoımaı, ony joıý baǵytyndaǵy naqty sharalardy qabyldadyq. Atap aıtsaq, keıbir aýyldardaǵy mádenıet úıi tarapynan kelisimsiz qosymsha qyzmet kórsetý derekteri anyqtaldy. Bul zań buzýshylyq toqtatylyp, departament tarapynan berilgen tıisti nusqamalar oryndaldy, - dep málim etti Ásel Ádıeva. 

Eske sala ketelik, budan buryn Atyraýda jasyl jelekke kútim jasaý konkýrsyna qatysýshylardyń quqyǵy shektelgenin jazǵan edik.