Atyraý oblysynda 250 tonna pishen bes saǵatta janyp ketti
ATYRAÝ. KAZINFORM – Atyraý oblysynda sharýa qojalyǵynyń 250 tonna pisheni órtendi. Jalyn 5 saǵattan keıin sóndirildi.
Atyraý oblystyq tótenshe jaǵdaılar departamentiniń qoǵammen baılanys tobynan málim etkendeı, órt keshe, 28 sáýirde túngi saǵat 23:30-da oqshaýlanǵan.
«Qurmanǵazy aýdanynyń Maqash aýyldyq okrýginde sharýa qojalyǵynyń 250 tonna pisheni órtendi. Pishen 200 sharshy metr aýmaqta jınalyp turǵany anyqtaldy. Jalyn keshe, 28 sáýirde túngi saǵat 23:30-da oqshaýlanyp, búgin tańǵy saǵat 04:30-da tolyqtaı sóndirildi», -dep habarlady departamenttiń qoǵammen baılanys toby.
Jalyndy sóndirýge Qurmanǵazy aýdanyndaǵy №7 órt sóndirý bóliminiń 9 qyzmetkeri men 1 tehnıkasy, jergilikti atqarýshy organnan 5 erikti, 3 tehnıka, aýyldyń 10 turǵyny qatysqan.
Pishen órtiniń tutaný sebebi ázirge belgisiz.
Qazir órt sóndirýshiler anyqtaý jumysyn júrgizip jatyr.
Eske sala ketelik, budan buryn Atyraý oblysyndaǵy Inderbor kentinde órtten eki bala mert bolǵanyn jazǵan edik.
