Atyraý oblysynda 2 jasar búldirshin balabaqshada kózin jaraqattap alǵan
ATYRAÝ. KAZINFORM – Atyraý oblysynda 2 jasar bala balabaqshada jaraqat alǵan. Osyǵan baılanysty qylmystyq is qozǵaldy.
Oqıǵa 5 naýryzda Qurmanǵazy aýdanyndaǵy Safon aýylynda bolǵan. Osyndaǵy «Botashym» balabaqshasynda 2 jasar bala kózin jaraqattap alǵany anyqtalǵan.
Atyraý oblystyq polıtsııa departamentiniń baspasóz qyzmetinen málim etkendeı, balaqaıdyń jaraqat alýyna baılanysty qylmystyq is qozǵalǵan.
«Qurmanǵazy aýdanynyń Safon aýylynda ornalasqan balabaqshada 2 jastaǵy sábıdiń kózinen jaraqat alý deregine qatysty qylmystyq is qozǵaldy. Balanyń jaraqatyna baılanysty sot-medıtsınalyq saraptama taǵaıyndaldy. Balabaqshada ornatylǵan beınekameralardaǵy jazbalardy zerdeleý bastaldy. Balabaqsha qyzmetkerlerinen jaýap alynyp jatyr», - dep habarlady departamenttiń baspasóz qyzmeti.
Eske sala ketelik, budan buryn Atyraýda balalaryn satqan áıel 8 jylǵa sottalǵanyn jazǵan edik.
