Atyraý oblysynda 100 myń gektar alqap shegirtkege qarsy óńdeledi
ATYRAÝ. KAZINFORM – Bıyl Atyraý oblysyndaǵy 100 myń gektardan astam aýmaqty shegirtkege qarsy hımııalyq óńdeýden ótkizý josparlanǵan. Oǵan dron da qoldanylady.
Atyraý oblystyq oblystyq aýyl sharýashylyǵy jáne jer qatynastary basqarmasynyń bólim basshysy Azat Qapanov málimetine qaraǵanda, shegirtkeniń kóktemgi kúbirshikterine zertteý júrgizilip jatyr.
– Kópjyldyq ortasha kórsetkishterdi zerdelegen soń hımııalyq óńdeý jumysyn eki kezeńmen júrgizý jospalanyp otyr. Máselen, 1-15 mamyr arralyǵynda ıtalıan prýsynyń dernásili oıanady. Sol sebepten, 18-25 mamyrda shegirtkeniń osy túrine qarsy 49 myń gektar alqapty ýlaý júrgiziledi. Al 10-25 mamyrda azııalyq shegirtkeniń dernásili qozǵala bastaıdy. Zııankestiń kóbeıýin boldyrmaý úshin 16 myń gektar alqapty hımııalyq óńdeý 25 mamyrda bastalyp, 5 maýsymǵa deıin sozylady. Shegirtkeniń bul túrleri Qyzylqoǵa, Isataı men Qurmanǵazy aýdanynda baıqalýy múmkin, -dep habarlady Azat Qapanov.
Onyń aıtýynsha, hımııalyq óńdeý Atyraý qalasynyń mańyndaǵy aýyldyq okrýgter men 4 aýdannyń aýmaǵyn qamtıdy.
– Úıirli shegirtkelerge qarsy óńdeýge jumystary elimizde qoldanýǵa ruqsat etilgen pestıtsıdter qoldanylady. Memlekettik ınspektorlar ósimdikterdi qorǵaýdy qadaǵalaıdy. Qazir naqtylanǵan jer kólemine hımııalyq óńdeý júrgizetin merdiger anyqtalyp, tıisti kelisimshartqa qol qoıyldy, -deıdi Azat Qapanov.
Atyraý qalasy men 7 aýdanda jedel áreket etetin shtab qurylǵan. Shegirtkege qarsy óńdeý jumysynp úsh merdiger, 124 adam men 27 kólik tartylady.
– «AVIASILA» JShS 41 myń gektar alqapty úsh jeńil deltoletpen óńdeıdi. Al «Magtoksın» JShS 2,8 myń gektardy jerústi jeldetkish, 17 myń gektarǵa gazogeneratormen búrikkishpen ýlaıdy. «Fıtosanıtarııa» RMK-nyń Batys Qazaqstan oblystyq fılıaly úsh dronmen 3 myń gektar aýmaqty hımııalyq óńdeýden ótkizedi, -dep málim etti Azat Qapanov.
Eske sala ketelik, budan buryn Ońtústikte shegirtke qaptap, 1 mamyrǵa deıin ýlap bitpese, kúres zaıa ketetini habarlaǵan edi.