Atyraý mańyndaǵy Bereke aýylynda 3 jasóspirim Jaıyqqa batyp ketti

ATYRAÝ. KAZINFORM – Atyraý qalasynyń mańyndaǵy Bereke aýylynyń tusynda 3 jasóspirim Jaıyq ózenine batyp ketti. 

Atyraý oblystyq tótenshe jaǵdaılar departamentiniń qoǵammen baılanys tobynan habarlaǵandaı, oqıǵa búgin, 26 tamyzda túsqaıta bolǵan.

«Búgin saǵat 17:25-te Atyraý qalasyna taıaý ornalasqan Bereke aýylynda 3 jasóspirimniń Jaıyq ózenine batyp ketkeni týraly shaqyrtý tústi. Qutqarýshylar oqıǵa ornyna jedel jetip, 3 jasóspirim uldyń arnaıy jabdyqtalmaǵan orynda sýǵa túskeni anyqtaldy. Jedel qutqarý jasaǵynyń súńgýirleri saǵat 18:25-te eki jasóspirimniń múrdesin sý astynan taýyp, Jaıyq ózeniniń jaǵalaýyna shyǵardy», - dep habarlady departamenttiń qoǵammen baılanys tobynan. 

Belgili bolǵandaı, Jaıyq ózenine batyp ketken 3 jasóspirim bir jylda ómirge kelgen. Olardyń jasy – 16-da. 

Qazir ózenge batqan úshinshi jasóspirimdi izdestirý jumysy jalǵasyp jatyr. Jasóspirimdi izdeýge 18 qutqarýshy, 5 júzý quraly, 4 tehnıka tartylǵan. 

Eske sala keteıik, buǵan deıin Atyraýda Jaıyqqa batqan 14 jasar jasóspirim tabylmaı jatqanyn, keıin ony ıterip jiberýi múmkin ekenin jazǵan edik. 

Eki kúnnen keıin Jaıyq ózenine batqan jasóspirimniń múrdesi tabylǵanyn habarlaǵan bolatynbyz.