Atyraý mańyndaǵy apattyń saldarynan 6 jolaýshylar poıyzy keshigedi

ATYRAÝ. KAZINFORM – Atyraý qalasynyń mańyndaǵy apattyń saldarynan 6 jolaýshylar poıyzy keshigedi. Onyń ishinde «Volgograd – Tashkent» baǵytyna qatynaıtyn poıyz da bar.

«Jolaýshylar tasymaly» AQ baspasóz qyzmetiniń málimetinshe, buǵan Teńdik stansasyndaǵy apatqa baılanysty baılanysty jolaýshylar poıyzdary kesteden keshigedi. 

– 1 naýryzda Teńdik stansasyndaǵy temirjol ótkelinde júk kóligi júrgizýshisiniń kinásinen júk poıyzymen soqtyǵysý oryn aldy. Oqıǵa saldarynan lokomotıv pen 11 bos júk vagony relsten shyqty. «Jolaýshylar tasymaly» AQ osyǵan baılanysty kelesi alty jolaýshylar poıyzynyń kidirisi týraly habarlaıdy. Onyń ishinde №313 «Atyraý – Mańǵystaý», №314 «Mańǵystaý – Atyraý», №42 «Almaty – Atyraý», №41 «Atyraý – Almaty», №123 «Volgograd – Tashkent» jáne №691 «Atyraý – Aqtóbe» poıyzy bar, -dep habarlady kompanııanyń baspasóz qyzmeti. 

Ulttyq tasymaldaýshy jolaýshylardy tamaqpen qamtamasyz etý sharalaryn qolǵa alynǵan. Poıyz qozǵalysynyń jaı-kúıi týraly SMS-habarlamalar jáne vokzaldardaǵy aqparattyq taqtalar arqyly jedel málimetti taratý júzege asyrylyp jatyr. 

– Jolaýshylar poıyzdarynyń kidirisi týraly tolyq aqparat alý úshin 1433 tegin nómirine habarlasýǵa bolady. Poıyzdyń bir saǵattan astam kidirisi bolǵan jaǵdaıda, Qazaqstan Respýblıkasynyń temirjol kóligimen jolaýshylardy, joljúkti, júk-joljúkti jáne poshta jóneltimderin tasymaldaý qaǵıdalaryna sáıkes, jolaýshylarǵa kelesi tólemder qarastyrylǵan. Sapardan bas tartqan jolaýshylarǵa jol júrý quny tolyq kólemde qaıtarylady. Jol boıynda sapardy toqtatqan kezde júrip ótpegen qashyqtyqtyń jol júrý quny óteledi. Poıyz keshikse, ár tolyq keshikken saǵat úshin jol júrý qunynyń 3%-y mólsherinde, biraq tolyq bılet qunynan aspaıtyn ótemaqy tólenedi, -dep málim etti kompanııanyń baspasóz qyzmetinen.

Eske sala ketelik, budan buryn Atyraýdaǵy poıyz apatynan zardap shekken 3 mashınıst aýyr jaraqat alǵanyn jazǵan bolatynbyz. 

Keıin temirjoldaǵy apattyń saldarynan keshikken jolaýshylar Atyraýǵa avtobýspen tasymaldanyp jatqanyn habarlaǵan edik.