Atyraý qalasyndaǵy mektepterde sabaq onlaın ótedi

ATYRAÝ. KAZINFORM – Atyraý qalasyndaǵy mektepterde sabaq onlaın formatqa kóshirildi.

Atyraý qalalyq bilim bóliminiń basshysy Aınagúl Dúısekenovanyń aıtýynsha, ata-analardan sabaqty onlaın formatqa aýystyrý týraly ótinish túsken.

«10 sáýirden bastap Atyraý qalasynyń barlyq mektepteri onlaın oqytý formatyna kóshedi. Oqý-aǵartý mınıstrliginiń №42 buıryǵyna sáıkes bilim berý uıymdarynyń arnaıy ótkizilgen keńesiniń hattamasymen tolyqtaı onlaın formatqa kóshirý týraly sheshim qabaldandy. Ata-analardyń tarapynan ótinish-talaptardyń túskeni eskerildi. Qazir mektepterde 6037 pedagog jumys isteıdi. Odan basqa qosymsha qyzmetkerler bar. Onlaın formatqa sabaqtyń merzimi aldaǵy ýaqytta anyqtalady», - dep habarlady Aınagúl Dúısekenova.

Al, 45 memlekettik balabaqshanyń jumysy shtattyq rejımde jalǵasa beredi.

Eske sala ketelik, budan buryn Atyraý oblysynda tótenshe jaǵdaı jarııalandy.

Sondaı-aq, Jylyoı aýdanynan kóshirilgen balalar sabaqty onlaın oqıtynyn habarlaǵan bolatynbyz.