Atamqulov qara sora egilgen jerdi spýtnıkterdiń qalaı anyqtaǵanyn aıtty
Bul týraly Astanadaǵy Ulttyq ǵarysh ortalyǵynda QR Qorǵanys jáne aeroǵarysh ónerkásibi mınıstri Beıbit Atamqulov málim etti, dep habarlaıdy «QazAqparat» HAA tilshisi.
Aıta ketsek, QR Parlamenti Senaty Halyqaralyq qatynastar, qorǵanys jáne qaýipsizdik komıtetiniń tóraıymy Darıǵa Nazarbaeva bastaǵan komıtet músheleri Astananyń irgesinde turǵyzylyp jatqan Ulttyq ǵarysh ortalyǵynda bolyp, atqarylyp jatqan jumystarmen tanysty. Komıtet músheleri ortalyqta tájirıbelik óndirisi bar ǵaryshtyq tehnıkany Arnaıy qurastyrýshylyq-tehnologııalyq bıýrosynyń jumysyn tekserdi.
«Biz qazir «Cosmo-skymed», Ispanııanyń «Deimos», AQSh-tyń «GeoEye» spýtnıkterimen keshendi túrde jumys atqaryp jatyrmyz. Demek, olar bizden, biz olardan ǵarysh keskinderin ala alamyz», - deıdi Beıbit Atamqulov.
Mınıstrdiń aıtýyna qaraǵanda, Ulttyq ǵarysh ortalyǵyna bir ǵana aýyl sharýashylyǵy boıynsha júktelgen 44 tapsyrma bar. Atap aıtqanda, jerdiń qunarlylyǵy, eginniń shyǵymdylyǵy, shegirtke máselesi, jerdi tıimdi paıdalaný, jer kadastry sharýalaryna ǵarysh ortalyǵynyń qyzmetkerleri atsalysýda.
«Osylaısha, jerdi óz erkimen paıdalaný, tıimsiz paıdalaný jaǵdaılaryn anyqtadyq. Máselen, talas týdyrǵan ýchaske bar delik. Azamattyq is qaralǵanda ǵarysh arqyly jer aýmaǵyn kez kelgen adamnyń aldyna jaıyp berýge bolady. Sonymen birge, biz qazir ǵaryshtaǵy spýtnıkter arqyly Esil kópiriniń jaı-kúıin baqylap otyrmyz. ıAǵnı, arnaıy qurylǵyny kópirge qoıyp qoıamyz da, ǵaryshtan onyń temperatýraǵa baılanysty qurylymynyń ózgerýi nemese basqa da jaı-kúıin baqylap otyra alamyz», - deıdi mınıstr.
Beıbit Atamqulov óz sózinde jerdi qashyqtyqtan zondtaıtyn spýtnıkterdiń paıdasyn qazir kópshilik túsine bastaǵanyn aıtady.
«Qazir kez kelgen jer qoınaýyn paıdalanýshy atqarylǵan jumysty spýtnık qyzmeti arqyly teksere alady. ıAǵnı, ol berilgen jumys esebin ǵarysh keskini arqyly az nemese kóp óndirilgenin baqylaıdy. Gaz jáne munaı qubyrlarynyń barlyǵyna monıtorıng jasaýǵa bolady», - deıdi ol.
Mınıstr sonymen qatar, tapsyrma berilse, joldyń sapasyna da ǵarysh arqyly taldaý júrgizýge bolatynyn atap ótti. Alaıda joldyń sapasyn anyqtap otyrý úshin arnaıy baǵdarlama men portal jasaý kerek.
«Máselen, bizge «qara soranyń (konoplıa) egilgen jeri bar ma? Bolsa anyqtaýǵa bola ma?» degen jabyq tapsyrma berilgen bolatyn. Biz osylaısha ǵarysh spýtnıkteri arqyly Qyzylorda oblysynda sekseýildiń arasynan qarasoranyń egilgenin anyqtadyq. Al tártip saqshylary úshin onyń egilgenin tabý múmkin bolmas edi. Al ǵarysh arqyly biz ony bilip aldyq. Buǵan qosa shekaradaǵy ań-qustyń qozǵalysyn, mıgratsııasyn anyqtaýǵa múmkindik alyp otyrmyz», - deıdi Beıbit Atamqulov.
