Ata Zań memle­ket pen qoǵam­daǵy damýdyń qaınar bastaýy - depýtat E.Saǵyndyqov

ASTANA. QazAqparat - Dúnıejúzindegi kez kelgen memlekettiń, eldiń táýelsizdigin, demokratııalyq qundylyqtaryn aıqyndaıtyn negizgi qujat - Konstıtýtsııa. Onda memlekettiń barlyq qurylymdarynyń, jeke azamattardyń, ult pen ulystardyń, áleýmettik toptardyń maqsattary, mindetteri, quqyqtary kórsetiledi, deıdi QR Parlament Senatynyń depýtaty Eleýsin Saǵyndyqov.

Qazaqstan azamattary osydan týra jıyrma jyl buryn dál osyndaı Konstıtýtsııany referendýmda qabyldady, dep keltiredi depýtattyń sózin «Egemen Qazaqstan».

E.Saǵyndyqovtyń aıtýynsha, jıyrma jyl­dan beri táýelsizdigimizdiń tire­gine aınal­ǵan Ata Zań memle­ket pen qoǵam­daǵy barlyq saıası-ekonomıkalyq, áleýmettik refor­malardyń, alǵa qoıǵan maqsattardyń iske asy­rylýynyń, damýdyń qaınar bastaýy bolyp keledi. Osy jyl­dar ishinde memleket pen qoǵam­nyń damýyndaǵy ózgerister - demok­ra­tııa­lyq, zaıyrly, quqyqtyq jáne áleýmettik memleket retinde ornyǵý joldary Ata Zań qaǵıdalary negizinde júzege asyrylýda.

«Halyq amanatyn arqalaǵan Par­lament depýtattary ózde­riniń qyz­metin júzege asyrýda Kons­tıtýtsııaǵa súıenedi. Zań shyǵarý qyzmetiniń jemisti iske asyrylýy Ata Zańymyzdyń is júzinde qanshalyqty jumys istep turǵanyn kórsetedi. Elimizdiń zań sapasyn arttyrýdyń, quqyqtyq júıesin damytýdyń kepili de - Konstıtýtsııa. Konstıtýtsııada bekitilgen quqyq­tyq normalar 1998 jyly saıası júıeniń jańǵyrtylýy jolyndaǵy mańyzdy bir qadam bolyp esepteletin jańa túzetýlerdiń engizilýine múm­kindik berdi. 1998 jyly 7 qazanda birinshi shaqyrylymdaǵy Qazaqstan Respýblıkasy Parlamenti palata­larynyń birikken otyrysynda Qazaqstan Prezıdenti «Qazaqstan Respýb­lıkasynyń Konstıtýtsııasyna ózgertýler men tolyqtyrýlar engizý týraly» zań jobasyn usyndy. Bul túze­týlerge sáıkes eldiń saıası ómi­rinde Parlamenttiń róli aıtar­lyqtaı kúsheıtildi.

Búgingi Qazaqstan Respýblıkasy Parlamentiniń aldynda turǵan maqsat - zań shyǵarý qyzmetiniń sapasyn burynǵydan da arttyra túsý. Parlamenttiń joǵarǵy palatasynda osy oraıda keleli máseleler alǵa qoıylyp otyr. Parlamenttik tyńdaýlar men dóńgelek ústelder ótkizýdi jetildirý, depýtattardyń zań jobalaryn ázirleý jáne zańnamalyq bastamalaryn jandandyrý, sarapshylar qyzmetiniń tıimdiligin arttyrý - jáne basqa da osyndaı máseleler kezek kúttirmeı sheshýdi qajet etedi», - deıdi depýtat.