Ata-analarǵa UBT ótkizý pýnktiniń aýmaǵynda bolýǵa tyıym salynady

NUR-SULTAN. QazAqparat – UBT barysynda barlyq sanıtarlyq-epıdemıologııalyq talap saqtalady. Bul týraly QR BǴM joǵary jáne joǵary oqý ornynan keıingi bilim departamentiniń dırektory Ádilet Toıbaev aıtty, dep habarlaıdy QazAqparat tilshisi.

«Ǵımaratqa kirgizý maskalyq rejımdi saqtaı otyryp, keminde 2 metr araqashyqtyq arqyly iske asyrylady. Árbir talapker dızınfektsııadan ótedi jáne árqaısysynyń orgáıekpen qorshaǵalǵan óziniń orny bolady», - dedi Á. Toıbaev Ortalyq kommýnıkatsııalar qyzmetinde.

Árbir talapker jeke kompıýterde otyryp, UBT tapsyrmalaryn oryndaıdy.

Bilim mınıstrliginiń málimetinshe, testileýdiń barlyq qatysýshysy UBT bastalar aldynda sanıtarlyq-epıdemıologııalyq normalarǵa sáıkes dezınfektsııadan ótedi. Testileýge kirgizý kezinde qatysýshylardyń aıaq kıimderi men qoldary arnaıy quraldarymen óńdeledi. Bet maskasynyń durys taǵylýyn qadaǵalaý men temperatýrany ólsheý arnaıy Face ID planshetiniń kómegimen júzege asyrylady.

Test tapsyrýshylardy kirgizý jáne aýdıtorııada otyrǵyzý kezinde áleýmettik qashyqtyq saqtalady. Aýdıtorııalar jeldetilip, dezınfektsııalyq quraldarmen óńdeledi. Sanıtarlyq normalarǵa sáıkes ata-analar men muǵalimderge UBT ótkizý pýnktiniń aýmaǵynda bolýǵa tyıym salynady. Olar úshin aýdıtorııadan beınetranslıatsııa qamtamasyz etiledi.

Budan buryn habarlanǵandaı, bıyl Ulttyq biryńǵaı testileý elektrondy formatta ótedi.

Ulttyq biryńǵaı testileýdi eki márte tapsyrýǵa bolady.

Taratylǵan málimetke qaraǵanda, testileýge 4 saǵat (240 mınýt) beriledi. UBT nátıjesi boıynsha talapkerler eń joǵary 140 ball jınaı alady.

Testileý nátıjeleri UBT aıaqtalǵannan keıin birden qoljetimdi bolady.