Ata-analar mektepte balasynyń qandaı tamaq ishkenin bilip otyrady
Bul týraly Astana qalalyq bilim basqarmasynyń basshysy Ánýar Janǵozın baspasóz máslıhatynda málim etti. Onyń aıtýynsha, qolma-qol aqshasyz tólem ashanalardaǵy uzyn-sonar kezekke qatysty máseleni sheshedi.
Pılottyq joba osydan birneshe apta buryn qaladaǵy № 27, 54, 59 mektepte engizilgen. Atalmysh jobany basqa mektepterge engizý máselesi ekinshi toqsanda sheshiledi.
«Biz bul tásildi LRT kartalary arqyly júzege asyryp jatyrmyz. Astra Plat kartalaryndaǵy birlikti ata-analar termınal nemese onlaın júıe arqyly toltyrady. Mine, osylaısha, ata-analar balalarynyń qansha aqshany qaıda jumsap otyrǵanyn baqylaı alady. Kartadan birlik jumsalǵan kezde ata-analarǵa habarlama keledi. Bul ata-analar men oqýshylar úshin de, mektep úshin de asa yńǵaıly», - deıdi basqarma basshysy.
Bilim basqarmasynan málimetinshe, jańa oqý jylynan bastap elordadaǵy 85 mektepte tamaqtandyrý jelisi iske qosylǵan. Tegin ystyq tamaq 5-11 synyp aralyǵyndaǵy 76 myń oqýshy men 1,2 myń áleýmettik az qamtylǵan otbasynyń balalaryna berilýde. Bir ret beriletin taǵamnyń baǵasy 338 teńge. Demeýshilerdiń esebinen 620 balaǵa tegin tamaq berilip keledi.
