At baptaý qanymyzda bar qasıet – Marjyqpaev
ASTANA. KAZINFORM – Ulttyq sport kúnine oraı Astana qalasyndaǵy «Arǵymaq» at-sporttyq saýyqtyrý kesheninde «Naýryznama: Ulttyq sport kúni» atty kesh ótti. Іs-shara barysynda Qazaqstan jáne AQSh kókparshylary saıysqa túsip, jınalǵandardyń delebesin qozdyrdy.
Sondaı-aq aýdaryspaq, sadaq atý sııaqty ulttyq sport túrleriniń úzdikteri de kórermenderge sheberligin kórsetti.
Іs-sharada sóz sóılegen Týrızm jáne sport mınıstri Ermek Marjyqbaev elimizde ulttyq sport túrleri qarqyndy damyp kele jatqanyn aıtty.
– Elimizdiń brendine aınalǵan ulttyq sport dalamyzdyń kóne tarıhymen egemen elimizdiń túp bastaýy deýge bolady. At baptaý qanymyzda bar qasıet. Buǵan báıge, kókpar, aýdaryspaq, jamby atý, teńge ilý sııaqty sport túrleriniń keńinen damýy dálel bola alady. Qazaqtyń ulttyq oıyndary patrıottyq tárbıe berýde utymdy qural. Salamatty ómir saltyn nasıhattaýǵa eleýli septigin tıgizedi, - dedi mınıstr.
Kesh barysynda ulttyq oıynnyń damýyna úles qosqan birqatar ardager marapattalyp, olarǵa 500 myń teńgeniń sertıfıkaty tabystaldy.
